OCIO de lavozdegalicia.es

A asociación Cultural AXVALSO, está a organizar a XII edición do Asalto ó Castelo de Vimianzo que terá lugar o sábado, 07 de Xullo. Coma tódolos anos haberá un concerto étnico-folk e unha representación lúdico-festiva das revoltas irmandiñas.

O asalto é un espectáculo en clave humorística inspirado no teatro nas rúas. Na súa organización participan medio centear de persoas, ademáis do público que forma parte activa na representación.

As personaxes máis diversas: Alonso de Lanzós , o Guerreiro, A Meiga do Orballo, O Comedador do Castelo, o Xuíz e Arzobispo… aparecen en escea representando unha trama que se desenvolve en diferentes espacios e que remata co ataque final ó castelo.

Reinterpretando a clásica revisión histórica, o Asalto ó castelo toma temas de actualidade e os integra como símbolo das revoltas irmandiñas, é dicir, a eterna loita entre os poderosos e os máis débiles.

A representación

Nos escuros finais do S.XV, campesiños de toda Galicia levantáronse en armas contra o poder dos Señores Feudais.

Na noite do sete de xullo, un grupo armado do Señor do Moscoso, atemorizará ós campesiños e advertiralles de que o fin da liberdade está cerca. Só unha muller con estranos poderes conseguirá izar o machado da victoria. Só un auténtico guerreiro poderá enfrentar os peligros, guiar ós irmandiños, loitar sen tregua e vencer ó Monstro do castelo.

Tenebrosos son os dominios do señor do castelo, pero máis fortes e valientes son os irmandiños que levarán a luz á oscuridade e a imaxinación ó poder.

Atrévete. Apaga o teu ordenador e ven a Vimianzo a vivir unha aventura en directo.